Tebas: "Peres yutqazsa ham, g'olib bo'lganiga hammani ishontiradi"

La Liga prezidenti Xaver Tebas "Real"ning Superliga ishi bo'yicha UEFA bilan yarashganini kapitulyatsiya deb atadi.

O'tgan hafta "Real" UEFA va Evropa klublari assotsiatsiyasi bilan "Evropa klublari futboli foydasiga" kelishuvga erishganini e'lon qildi.

"Florentino hech qachon yutqazmaydi deganimda, u yutqazgan bo'lsa ham, o'zining rasmiy "jarchi"lariga doim shunday hikoya qilib beradiki, go'yo u yutgandek tasavvur uyg'otadi.

U odamlarda g'alaba qozongandek tasavvur uyg'otadi, ammo men uning hech bo'lmaganda uzoq muddatli istiqbolda g'alaba qozonganini ko'rmayapman", - dedi Tebas ABC telekanaliga bergan intervyusida.