APL mavsumning hal qiluvchi qismi uchun yangi to'pni taqdim etdi (foto)

Angliya Premer-ligasining joriy mavsumi o'z yakuniga yaqinlashmoqda. Liganing rasmiy texnik homiysi Puma chempionlik poygasi va kuchli to'rtlik uchun kurash kechadigan so'nggi turlar uchun maxsus dizaynga ega to'pni namoyish qildi.

Ma'lum qilinishicha, chempionatning qolgan uchdan bir qismi, ya'ni eng muhim bahslari aynan shu to'p bilan o'tkaziladi. Dizayn mavsumning yakuniy bosqichiga xos bo'lgan shiddat va ehtirosni ifoda etishi aytilmoqda.