"Sevilya" bosh murabbiyi juda uzoq vaqtga diskvalifikatsiya qilindi

«Sevilya» bosh murabbiyi Matias Almeyda hakamlikdan g'azab bilan norozilik bildirgani uchun ettita o'yinga diskvalifikatsiya qilindi. Ettita o'yin — bu ancha uzoq muddatli jazo. The Touchline nashrining e'tibor qaratishicha, bu Qirollik Ispaniya futbol federatsiyasi intizom qo'mitasi tomonidan oxirgi 12 yil ichida tayinlangan eng uzoq muddatli diskvalifikatsiya hisoblanadi.

«Sevilya» hozirda Ispaniya chempionati turnir jadvalida 13-o'rinni egallab turibdi. Jamoa navbatdagi o'yinini yakshanba kuni, 22 fevral sanasida safarda «Xetafe»ga qarshi o'tkazadi.

La Ligada «Real» peshqadamlik qilmoqda. Ikkinchi o'rindagi «Barselona» undan ikki ochkoga ortda qolmoqda.