"Lester" va Premer-liga o'rtasidagi sudlashuv bo'ladi

«Lester» va Premer-liga joriy mavsumda jamoadan olti ochko olib tashlanishi haqidagi qaror yuzasidan apellyatsiya berishdi.

Avvalroq klub 2023/24 yilgi mavsumda moliyaviy qoidalarni buzganlikda aybdor deb topilgani ma'lum bo'lgan edi. Ayblovlar 2025 yilning may oyida ilgari surilgan. Ushbu jazodan so'ng «tulkilar» Chempionship turnir jadvalida 20-o'ringa tushib ketishgan edi. Hozirda jamoa 32 ochko bilan 22-o'rinda bormoqda.

Endi «Lester» moliyaviy feyr-pleyga rioya qilish bo'yicha chiqarilgan qaror ustidan shikoyat qilmoqchi. Premer-liga esa, o'z navbatida, o'sha davr uchun yillik moliyaviy hisobotni o'z vaqtida taqdim etmaganlik uchun sanktsiyalar qo'llanishini talab qilmoqda.