Knutsen: "Biz uchun bu o'yin o'rtacha darajada bo'ldi"

Norvegiyaning "Budyo-Glimt" bosh murabbiyi Italiyaning "Inter"ga qarshi Chempionlar ligasi pley-off bosqichi ilk o'yinidagi (3:1) g'alaba haqida fikr bildirdi.

"O'ylaymanki, bugun bizga biroz omad kulib boqdi. Biz haqiqatan ham samarali o'ynaymiz, ammo meningcha, bu biz uchun shunchaki o'rtacha darajadagi o'yin bo'ldi. Natija yaxshi, lekin o'yin saviyasi o'rtacha.

Kasper Xyog haqiqatan ham juda yaxshi o'ynadi va himoyada ham katta yordam berdi. U to'pni yaxshi saqlaydi, ko'plab yakkakurashlarda g'alaba qozonadi. U uchala golda ham ishtirok etdi. Bundan tashqari, u ajoyib yigit, shuning uchun bu ideal to'plam", — dedi Knutsen UEFA rasmiy saytiga.