«Yuventus» koronavirus tufayli 12,3 million evro zarar ko'rdi

"Yuventus" klubi koronavirus tufayli yirik miqdorda zarar ko'rdi, deya xabar tarqatdi Football Italia.

Italiya hukumati kasallikning keng tarqalishi tufayli 1 oy davomida barcha o'yinlarni muxlislarsiz o'tkazish haqida qaror qabul qildi. Bundan esa eng ko'p zarar "keksa sinora" hisobiga to'g'ri keldi. Uchta o'yinni bo'sh tribunalarda o'tkazish "Yuve" uchun 12,3 million evroga tushadi.

"Milan"ning zarari 3,4 million, "Inter"niki 2,7 million, "Roma"niki esa 2,3 million evroga teng bo'ldi.