Dias "Bavariya" uning uchun 75 mln evro to'lagani haqida gapirdi

"Bavariya" vingeri Luis Dias "Liverpul"dan o'tgan yilgi transfer narxi haqida gapirdi.

Kolumbiyalik futbolchi nemis klubiga bonuslar bilan birga 75 million evro evaziga o'tdi.

"Jurnalist shartnoma imzolangan kunning o'zidayoq mendan transfer narxim haqida so'radi. Eng qimmat o'yinchilardan biri ekanman va hokazo. O'shanda men darhol aytgandim: agar bu klub menga pul tikayotgan bo'lsa, men faqat maydonda o'ynash bilan javob berishga harakat qilaman.

Men o'zimga qo'shimcha bosim o'tkazmoqchi yoki o'zimga endi eng yaxshi bo'lishim kerakligini aytmoqchi emasdim. Yo'q, gap doimo jamoa haqida bo'lgan va bo'lmoqda. Bosqichma-bosqich harakat qilishni, avvalo jamoaga o'rganishni, keyin esa shunchaki o'z ishimni bajarishni xohlardim. Men bir nechta yaxshi o'yinlarni o'tkazdim va aytishim kerakki, bir necha oydan so'ng o'zimni ancha qulay his qilyapman", - dedi Dias.