APL himoyachisi boshqa top-klublardan ko'ra "Barselona"ni afzal ko'rdi

"Bornmut" markaziy himoyachisi Markos Senesi "Barselona"ga o'tishni istamoqda. Mish-mishlarga ko'ra, "ko'k-anorranglilar" argentinalik futbolchini yanvar oyidayoq o'z safiga qo'shib olishi mumkin edi, ammo muzokaralar aniq bosqichga etib bormadi.

Yozda o'yinchi erkin agentga aylanadi va kataloniya grandi hali ham da'vogarlar qatorida qolmoqda. Ular orasida "Yuventus", "Tottenxem", "Manchester Yunayted" va boshqa klublar ham bor.

TEAMtalk xabariga ko'ra, Senesi "Barselona" qiziqish bildirganini bilgach, aynan shu jamoaga o'tishga qaror qilgan — boshqa variantlar u uchun ikkinchi darajali. Transfermarkt mutaxassislari Markos Senesini 22 million evro deb baholamoqda. May oyida futbolchi 29 yoshga to'ladi.