Kompani "Bavariya"da kimni ko'rishni istaydi?

"Bavariya" bosh murabbiyi Vensan Kompani Myunxen klubiga qaysi futbolchini sotib olishni istashi haqidagi savolga javob berdi.

"Mening vazifam — qo'l ostimizdagi futbolchilar bilan yaxshi aloqa o'rnatish. Yangi o'yinchilarni jalb qilishda yordam beradigan boshqa insonlar ham bor. Mening ishim: "bizda bor futbolchilar — eng zo'rlari, men Xarri Keyn, Maykl Olise, Luis Dias, Jamal Musiala va boshqalar bilan ishlashni xohlayman", deyishdan iborat. Yozda nima bo'lishini esa ko'ramiz", — dedi Kompani matbuot anjumanida.

Vensan Kompani 2024 yilning yozida "Bavariya" boshqaruviga kelgan edi. Uning qo'l ostida Myunxen klubi Bundesliga va Germaniya Superkubogida g'olib chiqdi.