"Chelsi" Garnachoni sotib yuborishi mumkin. Unga Angliyaning o'zidan ikki xaridor tayyor

Hujumchi Alexandro Garnacho shu yozda "Chelsi"ni tark etishi mumkin.

"MatchDay Central" bergan ma'lumotlarga ko'ra, argentinalik futbolchining London klubidagi kelajagi noaniqligicha qolmoqda. "Ko'klar" forvardga katta umid bog'lagan bo'lsa-da, u mavsum yakunida sotib yuborilishi mumkin. Garnachoni qo'lga kiritish uchun asosiy da'vogarlar sifatida "Nyukasl" va Londonning "Arsenal" klublari tilga olinmoqda. Argentinalikning taqdiri yozga yaqinroq to'liq oydinlashadi.

Alexandro Garnacho 2025 yilda "Manchester Yunayted"dan "Chelsi"ga 46 million evro evaziga o'tgan edi. Uning shartnomasi 2032 yilning 30 iyunigacha mo'ljallangan. Joriy mavsumda argentinalik "ko'klar" libosida barcha turnirlarda 29 ta o'yin o'tkazib, 6 ta gol urdi va 3 ta golli uzatmani amalga oshirdi.