"Benfika" "Real"ga qarshi o'yindagi mojarodan so'ng bayonot berdi

«Benfika» UEFA «Vinisius ishi» bo'yicha surishtiruv boshlaganidan so'ng bayonot bilan chiqdi. «Real» hujumchisi lissabonliklar o'yinchisi Janluka Prestiannini maydonda irqchilik qilishda aybladi.

Bayonotda «Benfika» UEFA surishtiruvini qo'llab-quvvatladi va vaziyatni oydinlashtirish uchun hamkorlik qilishga tayyorligini bildirdi. Klub irqchilikka nisbatan toqatsizligini va ramzi klub afsonasi Eysebiu hisoblangan qadriyatlarga sodiqligini ta'kidladi.

Shu bilan birga, «Benfika» o'z futbolchisini himoya qildi.

«Benfika» yana bir bor Prestiannining versiyasini qo'llab-quvvatlashini va unga so'zsiz ishonishini bayon qiladi, uning xulq-atvori doimo raqiblarga, institutlarga va «Benfika» o'zligini belgilovchi tamoyillarga nisbatan hurmat bilan ajralib turgan. Klub futbolchi qurboniga aylangan obro'sizlantirish kampaniyasidan afsusda», - deyiladi bayonotda.

«Benfika» o'z uyida «Real»ga 0:1 hisobida mag'lub bo'ldi.