Hakimiy EChLda gol urish bo'yicha marokashlik futbolchilar orasida etakchilarga tenglashdi

"Pari Sen-Jermen" himoyachisi Ashraf Hakimiy "Monako"ga qarshi pley-off o'yinida o'z ismini Chempionlar ligasi tarixiga yozib qo'ydi.

Monegasklar darvozasiga "PSJ"ning ikkinchi golini kiritgan o'ng qanot himoyachisi, Evropaning eng nufuzli klublar turniridagi gollari sonini o'ntaga etkazdi. Bu gol uni Chempionlar ligasi tarixidagi eng yaxshi marokashlik to'purarlar ro'yxatida birinchi o'ringa olib chiqdi.

Ushbu yutug'i evaziga Hakimiy Marokash terma jamoasining yana ikki yulduzi — hujumchi Yussef En-Nesiri va yarim himoyachi Hakim Ziesh bilan tenglashib oldi. Endilikda ushbu uchlik turnir tarixidagi mamlakatning eng yaxshi to'purarlari unvonini bo'lishib turibdi.

Ashrafning ushbu natijasini chinakam hayratlanarli qiladigan jihat shundaki, u En-Nesiri va Zieshdan farqli o'laroq, himoyachi bo'la turib bunday ko'rsatkichga erishdi.