Pedri haqida yaxshi xabar chiqdi

"Barselona" yarim himoyachisi Pedri jarohati sababli qariyb bir oyni o'tkazib yubordi. Biroq xushxabar bor — futbolchi safga qaytmoqda. "AS" nashrining xabar berishicha, Pedri Ispaniya chempionatining navbatdagi turi doirasidagi "Levante"ga qarshi o'yinda "ko'k-anorranglilar"ga yordam bera oladi.

2025/2026 yilgi mavsumda Pedri 25 ta o'yinda maydonga tushib, o'z hisobiga ikkita gol va sheriklariga sakkizta golli uzatmani yozdirib qo'ydi.

"Barselona" La Liga turnir jadvalida ikkinchi o'rinda bormoqda va "Real"dan ikki ochkoga ortda qolmoqda. "Levante"ga qarshi bahs kataloniyaliklar uchun o'z maydonida bo'lib o'tadi va yakshanba, 22 fevral kuniga belgilangan. Uchrashuvning boshlanish hushtagi Toshkent vaqti bilan 20:15 da chalinadi.