Girassi «Atalanta» ustidan qozonilgan g'alaba haqida fikr bildirdi

UEFA Chempionlar ligasi pley-off bosqichining ilk to'qnashuvida Dortmundning «Borussiya» klubi «Atalanta» ustidan 2:0 hisobida ishonchli g'alabaga erishdi. «Arilar» markaziy hujumchisi Seru Girassi bahs haqidagi taassurotlari bilan o'rtoqlashdi.

«Bu bizning jamoaviy ishimiz bo'ldi, men maydonga bir o'zim tushmayman. Biz tezkor gol urishga muvaffaq bo'ldik, keyin esa ustunlikni mustahkamladik. Tanaffusdan so'ng u qadar yorqin o'yin ko'rsatmagan bo'lsak-da, o'z darvozamiz oldida ishonchli harakat qildik. Bir haftadan keyin keyingi bosqich yo'llanmasini qo'lga kiritish uchun Bergamoga yo'l olamiz», — deya hujumchining so'zlarini keltirmoqda UEFA matbuot xizmati.

«Atalanta» va «Borussiya» o'rtasidagi javob uchrashuvi 25 fevral kuni Bergamodagi stadionda bo'lib o'tadi.