Golovin «Monako» – «PSJ» o'yinida ham rekord, ham antiqahramonlik qayd etdi

Chempionlar ligasi pley-off bosqichining ilk uchrashuvi doirasida «Monako» o'z maydonida «PSJ»ga imkoniyatni boy berdi. Bahs 2:3 hisobida yakunlandi, vaholanki o'yin davomida monegasklar 2:0 hisobida oldinda borayotgan edilar.

«Monako»ning ikkita golidan birida yarim himoyachi Aleksandr Golovin ishtirok etdi – u hujumchi Folarin Balogunga golli uzatma berdi. «Opta Sports» tasdiqlashicha, bu Chempionlar ligasi tarixida rossiyalik va amerikalik futbolchi hamkorlikda gol urgan ilk holat bo'ldi.

Shuni aytish kerakki, Golovin 48-daqiqada to'g'ridan-to'g'ri qizil kartochka olgani sababli maydonni tark etdi.

«PSJ» va «Monako» o'rtasidagi javob bahsi chorshanba, 25 fevral kuni bo'lib o'tadi. Uchrashuv Toshkent vaqti bilan soat 01:00 da boshlanadi.