«Benfika» prezidenti va «Real» vakili o'rtasida mushtlashuv bo'ldimi? Lissabon klubi rasmiy bayonot berdi

Chempionlar ligasi pley-off bosqichining ilk to'qnashuvida Lissabonning «Benfika» jamoasi o'z maydonida Madridning «Real» klubidan 0:1 hisobida mag'lubiyatga uchradi.

Uchrashuv yakunlanganidan so'ng, Portugaliya klubi matbuot xizmati «burgutlar» prezidenti Ruy Koshta va «qaymoqranglilar» vakillaridan biri o'rtasida kelib chiqqan ehtimoliy mushtlashuv haqidagi ma'lumotlar yuzasidan bayonot berdi.

«Benfika» xabarida aytilishicha, rahbarning mojaroga aralashgani haqidagi barcha xabarlar haqiqatga to'g'ri kelmaydi.

«Real» va Joze Mourino shogirdlari o'rtasidagi javob uchrashuvi 25 fevral kuni Madriddagi «Santyago Bernabeu» stadionida bo'lib o'tadi.