Runi nima uchun Kerrik «Manchester Yunayted» murabbiylik postida qolishi kerakligini tushuntirdi

«Manchester Yunayted» va Angliya terma jamoasining sobiq futbolchisi Ueyn Runi Maykl Kerrikning «qizil iblislar» boshqaruvidagi kelajagi haqida fikr bildirdi.

«MYu» allaqachon ko'p narsani boshdan kechirdi, Amorim, ten Xag, Mourino kabi murabbiylarni taklif qildi. Menimcha, Kerrikni qoldirish kerak. Bunda mantiq bor. Bu bizning sobiq jamoadosh ekanligimiz uchun emas. Maykl haqiqatan ham o'yinni izga sola oldi va jamoani tinchlantirdi. U ushbu tarkibni yaxshi boshqarmoqda», – deya sobiq futbolchining so'zlaridan iqtibos keltirmoqda «ESPN».

Angliya Premer-ligasining 26 turidan so'ng «qizil iblislar» 45 ochko jamg'arib, turnir jadvalida beshinchi o'rinda bormoqda.