Ryuerson 2026 yilda golli uzatmalar soni bo'yicha Olise bilan raqobatlashmoqda

Dortmundning «Borussiya» klubi himoyachisi Yulian Ryuerson Chempionlar ligasi doirasidagi «Atalanta»ga qarshi o'yinda golli uzatmani amalga oshirdi. Qanot himoyachisi uchrashuvning 3-daqiqasida Seru Girassining goliga hammualliflik qildi.

2026 yil hisobidan barcha turnirlarda 9 ta o'yinda maydonga tushgan Ryuerson o'z hisobiga 9 ta golli pas yozdirib qo'ydi. Bu Evropaning kuchli beshlik ligalari futbolchilari orasidagi ikkinchi ko'rsatkichdir: norvegiyalik himoyachidan faqat «Bavariya» a'zosi Maykl Olise oldinda bormoqda (9 o'yinda 10 ta assist).