"Atletiko" rahbariyati Simeonedan "Barselona" ustidan qozonilgan 4:0 dan unumli foydalanishni talab qildi

"Atletiko" bosh murabbiyi Diego Simeone klub prezidenti Enrike Sereso va boshqa rahbarlardan maxsus ko'rsatma oldi. "The Touchline" nashrining xabar berishicha, Simeonega asosiy e'tiborni Ispaniya Kubogida g'olib chiqishga qaratish tavsiya etilgan.

Manbaga ko'ra, "Atletiko" xo'jayinlari La Ligada chempionlik uchun real imkoniyatlar qolmaganini, Chempionlar ligasida esa zafar quchish juda qiyin bo'lishini tushunib turishibdi. Ammo Ispaniya Kubogida vaziyat ancha ijobiy — yarim finalning ilk o'yinida "Barselona" ustidan qozonilgan 4:0 hisobidagi yirik g'alaba madridliklarni final ostonasiga olib kelgan.

Qayd etilishicha, "Barselona"ga qarshi bo'lib o'tadigan javob uchrashuvi oldidan "Atletiko"ning bir qator asosiy o'yinchilariga dam berilishi kutilmoqda.