Saudiya Arabistoni "Manchester Yunayted"ga 18 million funt taklif qilmoqda

Saudiya Arabistoni futboli rahbariyati Angliyaning "Manchester Yunayted" klubini mamlakatga jalb qilish bo'yicha yirik loyiha ustida ishlamoqda. "Times Sport" nashrining xabar berishicha, saudiyaliklar mankunianliklarning 2026 yil yozidagi mavsumoldi tayyorgarlik o'yinlarini o'z maydonlarida o'tkazish istagida.

Ushbu tashrif va o'rtoqlik uchrashuvlarini tashkil etish evaziga "MYu"ga 18 million funt sterling miqdorida mablag' to'lanishi aytilmoqda. Agar kelishuv amalga oshsa, bu klub uchun moliyaviy jihatdan eng foydali tijoriy turlardan biriga aylanishi mumkin.

Hozircha klub rahbariyati ushbu taklifga rasmiy munosabat bildirmagan, biroq Saudiya tomoni "Yunayted"ni o'z mamlakatida ko'rish uchun jiddiy harakat qilmoqda.