"Aqldan ozish hech gap emas!" – Vinisius dunyoning eng yaxshi futbolchisi kimligini aytdi

"Real" vingeri Vinisius Junior dunyoning eng yaxshi futbolchisi kim degan savolga javob berdi. U 40 yoshli xorvatiyalik yarim himoyachi Luka Modrichni alohida e'tirof etdi. Hozirda yarim himoyachi "Milan" sharafini himoya qilmoqda.

Braziliyalik futbolchi faxriy futbolchining mashg'ulotlarda juda tirishqoq bo'lganini tan oldi. Modrich o'zidagi sportcha g'ayratni saqlab qola bilgan va doimo yosh futbolchilarga nimadir o'rgatib kelgan.

"Futbolda Modrichdan yaxshiroq hech kim yo'q. Hozir u "Milan"da, o'tgan yili esa "Real"da edi. U dunyoda eng zo'ri. Aqldan ozish hech gap emas! Men uni haqiqatan ham sog'inaman, chunki u bizga doim nimadir o'rgatardi. U yutqazishni yomon ko'rardi, hatto mashg'ulotlarda ham. U ijobiy ma'noda juda jizzaki edi!" – deya Vinisiusning so'zlaridan iqtibos keltirdi jurnalist Fabritsio Romano o'zining ijtimoiy tarmoqlarida.