Zinchenko «Ayaks»dagi debyutidayoq JCh-2026’dan mahrum bo'ldi

Qishki transfer oynasida «Arsenal»dan ko'chib o'tgan ukrainalik futbolchi «Ayaks»ning asosiy tarkibidagi ilk o'yini boshidayoq tizzasidan jarohat oldi. Bugun Niderlandiya klubi Zinchenko mavsum yakuniga qadar safdan chiqqanini ma'lum qildi.

Fabritsio Romanoning xabariga ko'ra, himoyachi 6-7 oyni o'tkazib yuboradi. Shu tariqa, agar Ukraina terma jamoasi turnirning final bosqichiga yo'l olsa ham, Aleksandr JCh-2026’da ishtirok eta olmaydi.

JCh-2026 saralashining o'tish o'yinlarida ukrainaliklar Shvetsiya jamoasi bilan to'qnash kelishadi. G'alaba qozonilgan taqdirda, ular Polsha — Albaniya juftligi g'olibi bilan o'ynaydi.