"PSJ" yarim himoyachisi: "O'zimni 100 foiz tayyor his qilyapman, "Monako" bilan o'yinga shayman"

"Pari Sen-Jermen" klubining portugaliyalik yarim himoyachisi Joau Nevesh Chempionlar ligasi pley-off bosqichi doirasidagi "Monako"ga qarshi birinchi o'tish o'yini oldidan o'z kutilmalari bilan o'rtoqlashdi.

"Biz hech qanday bosimni his qilmayapmiz va o'z uslubimizda o'ynashga harakat qilamiz. "Monako" bilan to'qnash kelishimizning ham ijobiy, ham salbiy tomonlari bor, chunki bu jamoani Liga 1 orqali juda yaxshi bilamiz. To'pga imkon qadar ko'proq egalik qilishga va uni yo'qotgan zahotimiz tezroq qaytarib olishga intilamiz. Bu ajoyib o'yin bo'ladi.

Jismoniy holatimni 100 foiz deb his qilyapman va ertangi kunga tayyorman. Maydonga tushamanmi yoki yo'q — bu murabbiyga bog'liq. Hozir turnirlarning hal qiluvchi pallasi yaqinlashayotgan vaqt va ertaga qanday o'ynashimizga ko'p narsa bog'liq", — deya Neveshning so'zlarini keltiradi UEFA rasmiy sayti.