Kannavaro Yurgen Klopp bilan birga ishlashni xohlaydi

Italiya terma jamoasining sobiq himoyachisi va O'zbekiston terma jamoasi bosh murabbiyi Fabio Kannavaro Yurgen Klopp bilan hamkorlik qilish istagi haqida gapirdi va Italiya futboli borasida o'z fikrlarini bildirdi.

«Men Yurgen Klopp bilan ishlashni xohlagan bo'lardim. U — Fabio Kapello va Marchello Lippining qorishmasidir. Bizning davrimizda taktik ko'rsatmalar va o'yinlarning videotahlili vaqtni behuda sarflash deb hisoblanardi.

Butun Italiya futbolidagi progress to'xtab qoldi. Biz iqtidorlarni tarbiyalamayapmiz, klublar yoshlarga e'tibor qaratmayapti, yigitlarimizda ishtiyoq etishmayapti. Iqtidorlar bor, masalan, Antonio Vergaraga qarang — agar «Napoli»dagi jarohatlar bo'lmaganida, u o'ynamagan bo'lardi», — dedi Fabio Kannavaro.