"An-Nasr" prezidenti: "Yamal va Pedri uchun istalgan summani to'lashga tayyormiz"

Saudiya Arabistonining «An-Nasr» klubi prezidenti Abdulloh Al-Majid «Barselona» va Ispaniya terma jamoasi yulduzlari Lamin Yamal hamda Pedrini o'z jamoasida ko'rish istagi borligini yashirib o'tirmadi.

Klub rahbari yosh iqtidorlar uchun har qanday moliyaviy xarajatga tayyor ekanligini ta'kidladi:

«Men Lamin Yamal va Pedri kabi futbolchilarni klubimizga olib kelishni juda xohlardim. Ular — futbolning kelajagi. Rostini aytsam, men ular uchun har qanday narxni bergan bo'lardim. Ularning klubi nimani xohlasa, biz barchasiga tayyormiz. Hatto shartnoma shartlarini ularning o'zlari yozishlari mumkin», — deydi Al-Majid.

Shu bilan birga, «An-Nasr» prezidenti hozirda bu transferning amalga oshishi qiyinligini ham tan oldi:

«Afsuski, ular hozir bu qadamni tashlashni istamasliklarini bilaman. Ular avval Evropada katta yutuqlarga erishishni maqsad qilishgan va men bu ambitsiyani hurmat qilaman. Baribir... futbolda kelajakda nima bo'lishini hech qachon bilmaysan».

Eslatib o'tamiz, avvalroq Saudiya klublari Evropaning bir qator yosh yulduzlariga qiziqish bildirayotgani haqida xabarlar tarqalgan edi.