"Chelsi" "Yuventus" futbolchisi evaziga Garnachoni qo'shimcha to'lov bilan berishga tayyor

Londonning "Chelsi" klubi "Yuventus" bilan futbolchi almashish imkoniyatini ko'rib chiqmoqda.

Jurnalist Aaron Ramiro xabariga ko'ra, "ko'klar" turinliklarga 21 yoshli vinger Alexandro Garnachoni 57,5 mln evro qo'shimcha to'lov bilan taklif qilmoqchi. Buning evaziga ingliz grandi yaqinda "Yuventus" bilan shartnomasini uzaytirgan 20 yoshli qanot hujumchisi Kenan Yildizni olmoqchi. So'nggi haftalarda ikki klub o'rtasida faol muzokaralar olib borilmoqda.

Joriy mavsumda Garnacho barcha musobaqalarda 29 ta o'yinda maydonga tushib, 6 ta gol urdi va 3 ta golli uzatmani amalga oshirdi. Yildizning hisobida barcha musobaqalarni qo'shib hisoblaganda 33 ta uchrashuvda 9 ta gol va 8 ta assist bor.