APLning ikki top klubi "Bavariya" futbolchisini kuzatmoqda

"Bavariya" himoyachisi Kim Min Je faoliyatini Angliya premer-ligasida davom ettirishi mumkin. Bu haqda jurnalist Kristian Falk xabar bermoqda.

Manbaga ko'ra, 29 yoshli futbolchini "Chelsi" va "Tottenxem" klublari o'z safiga qo'shib olmoqchi. "Ko'klar" "Liverpul" olib qo'ygan Jeremi Jake bilan muvaffaqiyatsizlikdan keyin himoya markazini mustahkamlamoqchi. "Shporlar"ga kelsak, ko'p narsa yozda keladigan yangi murabbiyga bog'liq bo'ladi.

Bu mavsumda Kim Min Je barcha musobaqalarda 23 ta o'yinda maydonga tushib, bitta gol urdi va bitta golli uzatmani amalga oshirdi.

Transfermarkt ma'lumotlariga ko'ra, janubiy koreyalikning narxi 25 million evroga teng.