Malen «Roma»ga qiyinchiliksiz moslashib ketdi

Doniell Malen «Roma»dagi 4 va 5-gollarini kiritdi.

«Aston Villa»dan ijaraga olingan niderlandiyalik hujumchi A Seriyaning 25-turidan o'rin olgan «Napoli»ga qarshi bahsning 7-daqiqasida hisobni ochdi. 71-daqiqada esa penaltini golga aylantirdi.

Endi Malenning hisobida «Roma» safidagi 5 ta o'yinda 5 ta gol mavjud – bundan avval u «Torino»ga qarshi debyut o'yinida (2:0) gol urgan va «Kalyari» bilan bahsda (2:0) dubl qayd etgan edi.