Edegor: «Arsenal» Angliya Kubogida g'olib chiqmoqchi»

«Arsenal» yarim himoyachisi Martin Edegor jamoaning Angliya Kubogidagi maqsadlari haqida fikr bildirdi. Avvalroq «kanonirlar» «Uigan»ni 4:0 hisobida mag'lub etib, turnirning 1/8 finaliga yo'l olgan edi.

«Angliya Kubogida ishlarimiz unchalik yurishmayotgandi va biz buni tuzatmoqchimiz. So'nggi yillarda biz tez-tez erta bosqichlarda musobaqani tark etdik. Yaxshiroq ishtirok etishimiz kerakligini bilamiz. Bu biz yutishni istagan yana bir turnir. Biz ligada peshqadamlik qilyapmiz, Chempionlar ligasi guruh bosqichida birinchi o'rinni egalladik va allaqachon Liga Kubogi finaliga chiqdik. Keyingi asosiy maqsadimiz — Angliya Kubogi», — deya Edegorning so'zlarini keltirmoqda Extra Time Indonesia.

«Arsenal»ning navbatdagi o'yini 18 fevral kuni bo'lib o'tadi. Premer-liganing qoldirilgan 31-turi doirasida Mikel Arteta jamoasiga «Vulverxempton» raqiblik qiladi.