Flik «Barselona»ning muhim o'yinchisiga dam berishi mumkin

Dushanba kuni «Barselona» La Liga doirasida «Jirona»ga qarshi safar o'yinini o'tkazadi. Kataloniya derbisida «ko'k-anorranglilar»ning o'ng qanot himoyachisi Jyul Kundega dam berilishi mumkin: Diario Sport nashrining xabariga ko'ra, bosh murabbiy Xans-Diter Flik frantsuz futbolchisini bo'lajak bahslar uchun asrab qolmoqchi, shu sababli uning yaqinlashib kelayotgan o'yinda asosiy tarkibda maydonga tushmaslik ehtimoli yuqori. O'yin Toshkent vaqti bilan tungi soat 01:00 da boshlanadi.

Jyul Kunde aksariyat hollarda «Barselona»ning asosiy tarkibida maydonga tushadi. 27 yoshli futbolchi joriy mavsumdagi 36 ta uchrashuvda uchta gol va ikkita golli uzatmani o'z hisobiga yozdirib qo'ygan.