Vinisius: "U bilan "Real"da birga o'ynamaganimdan afsusdaman"

Madridning «Real» klubi hujumchisi Vinisius Junior Krishtianu Ronaldu bilan bir jamoada to'p surishni istaganini tan oldi.

Braziliyalik futbolchi «qirollik klubi» safiga 2018 yilning yozida kelib qo'shilgan edi. Aynan o'sha vaqtda yulduz portugaliyalik jamoani tark etgan — uni «Yuventus» sotib olgandi.

«Afsuski, Ronaldu bilan birga o'ynash nasib qilmadi. Uning aynan men «Real»ga kelishimdan oldin ketgani juda achinarli. Biroq men boshqa buyuk futbolchilar bilan birga o'ynadim, shuning uchun nolishga hojat yo'q. Karim Benzema, Luka Modrich kabi jamoadoshlarim bo'lgan — ular ham juda mahoratli», — deya Vinisiusning so'zlaridan iqtibos keltirilmoqda.

2023 yil boshidan beri Krishtianu Ronaldu Saudiya Arabistonining «An-Nasr» jamoasi sharafini himoya qilmoqda.