Slotning "Liverpul"dan ketish sharti ma'lum

«Liverpul»da tez orada bosh murabbiy o'zgarishi mumkin. Mersisaydliklarning joriy Premer-liga mavsumidagi muvaffaqiyatsiz natijalari sababli Arne Slotning kelajagi so'roq ostida qolmoqda.

Jurnalist Nikolo Skiraning xabar berishicha, agar jamoa Chempionlar ligasiga yo'llanma ololmasa va joriy mavsum yakunlariga ko'ra birorta ham sovrin qo'lga kiritmasa, «qizillar» rahbariyati katta ehtimol bilan niderlandiyalik mutaxassisni iste'foga chiqaradi.

Slotning o'rnini egallashi mumkin bo'lgan eng asosiy nomzod sifatida Xabi Alonso ko'rilmoqda. Ilgari «Liverpul»da to'p surgan ispaniyalik mutaxassis shu yilning yanvar oyi o'rtalarida Madridning «Real» klubidan iste'foga chiqarilgan edi.

Hozirgi vaqtda «qizillar» Angliya chempionati turnir jadvalida oltinchi pog'onani egallab turishibdi.