90 mln evroga baholangan xavbek uchun kurashda "Manchester Yunayted" etakchilik qilmoqda

«Nyukasl» yarim himoyachisi Sandro Tonali kelayotgan yozda katta mablag' evaziga sotib yuborilishi mumkin.

Italiyalik futbolchining kelajagi noaniqligicha qolmoqda: «qarg'alar» uni sotish ishtiyoqida emas, biroq 90 mln evrolik taklif tushsa, transferga rozi bo'lishlari mumkin. Bu haqda insayderlar Fabritsio Romano va Matteo Moretto xabar bermoqda. Ehtimol, 25 yoshli futbolchi Angliyada qoladi, chunki so'ralayotgan narx anchadan beri da'vogarlar qatorida tilga olinayotgan «Yuventus» uchun juda qimmatlik qiladi. Eng haqiqatga yaqin variant sifatida «Manchester Yunayted»ga o'tish ko'rilmoqda — «qizil iblislar» futbolchiga aniq qiziqish bildirmoqda.

Mashhur Transfermarkt portalida Sandro Tonalining taxminiy bahosi 75 mln evro etib belgilangan.