Antonio Konte "Napoli"ning A Seriya doirasidagi "Roma"ga qarshi o'yinidan so'ng o'z fikrlarini bildirdi

"Napoli" bosh murabbiyi Antonio Konte A Seriya 25-turidan o'rin olgan "Roma" (2:2) bilan o'yindagi durang haqida gapirdi.

"Agar bu boks jangi bo'lganida, ishonchim komilki, biz ochkolar bo'yicha g'alaba qozongan bo'lardik. O'ta shiddatli, tomoshabop o'yin bo'ldi. O'ynash oson bo'lmadi - ikkala jamoa ham juda agressiv pressing uyushtirdi.

Bu ingliz uslubidagi o'yin edi. Biz keyingi 13 turda o'z kelajagimizni qurayotganimizni anglagan holda shu ruhda davom etishimiz kerak. Keyingi mavsumimiz ham, qaysi evrokubokda o'ynashimiz ham shu bo'limni qanday o'tkazishimizga bog'liq bo'ladi", - dedi Konte.