Gonsalo Garsiya: «Uning uzatmasidan so'ng gol urmaslikning iloji yo'q edi»

Madridning «Real» klubi hujumchisi Gonsalo Garsiya jamoadoshi Trent Aleksandr-Arnold haqida o'z fikrlarini bildirdi.

«Trent ulkan iste'dod egasi ekanligini barchamiz bilamiz. U jamoaga yordam bermoqda. U menga uzatgan o'sha ajoyib pasni golga aylantirmaslikning iloji yo'q edi», — deya Garsiyaning so'zlaridan iqtibos keltirmoqda Madrid Zone.

Ispaniya chempionatining 24-turida «Real» o'z maydonida «Real Sosedad»ni 4:1 hisobida mag'lub etdi. Garsiya maydonda to'liq 90 daqiqa harakat qildi va Trentning uzatmasidan so'ng bitta gol urdi.

Trent 2025 yilning yozida «Real» futbolchisiga aylangan edi. «Qaymoqranglilar» tarkibida u barcha turnirlarni hisobga olganda 13 ta o'yinda ishtirok etdi va ikkita golli uzatmani amalga oshirdi.