"Liverpul" "Real" ko'zlayotgan futbolchini ilib ketmoqchi

Dortmundning "Borussiya" klubi himoyachisi Niko Shlotterbekka Angliyaning "Liverpul" jamoasi qiziqish bildirmoqda. Bu haqda jurnalist Ekrem Konur xabar berdi.

Manbaning ma'lumotlariga ko'ra, Shlotterbek klub bilan amaldagi mehnat shartnomasini uzaytirishni rad etganidan so'ng, "Borussiya" o'z futbolchisini sotishga tayyorligini bildirgan. Ta'kidlanishicha, "Liverpul" yozgi transfer oynasida himoyachi uchun 50 million evro taklif qilishni rejalashtirmoqda. Shuningdek, Madridning "Real" klubi ham Shlotterbekka jiddiy qiziqish ko'rsatmoqda.

Joriy mavsumda 26 yoshli Shlotterbek barcha turnirlarda jami 26 ta o'yinda ishtirok etdi, uchta gol urdi va o'z hisobiga ikkita golli uzatmani yozdirib qo'ydi.