Arbeloa "Benfika"ga qarshi bo'lajak revansh haqida gapirdi

Madridning "Real" klubi bosh murabbiyi Alvaro Arbeloa Chempionlar ligasi doirasidagi "Benfika"ga qarshi bo'lajak o'yin borasida o'z fikrlari bilan o'rtoqlashdi.

"Biz Lissabonda ajoyib o'yin ko'rsatishimiz shart. Bu juda qiyin bo'lishini bilamiz. G'alaba qozonish uchun seshanba kuni bor kuchimizni ishga solishimiz lozim", — deya Arbeloaning so'zlarini keltirmoqda "The Touchline".

Eslatib o'tamiz, Chempionlar ligasi umumiy bosqichining so'nggi turida "Real" safarda "Benfika"ga 2:4 hisobida imkoniyatni boy bergan edi va bu natija Portugaliya klubiga pley-offga yo'l olishiga imkon bergandi.

Chempionlar ligasi pley-off bosqichi o'tish raundi doirasidagi "Benfika" va "Real" o'rtasidagi ilk uchrashuv 17 fevral kuni bo'lib o'tadi. O'yin Toshkent vaqti bilan 18 fevralga o'tar kechasi soat 01:00 da boshlanadi.