"Liverpul"ning g'alabasidan keyin Slot Salohning o'yiniga baho berdi

Angliya Kubogining 1/16 finali doirasidagi uy uchrashuvida "Liverpul" "Brayton" ustidan 3:0 hisobida yirik g'alabaga erishdi. Uchrashuv yakunlangach, mersisaydliklar ustozi Arne Slot misrlik hujumchi Muhammad Salohning o'yiniga baho berdi.

"Muhammadning yana gol urgani va assist qayd etgani juda quvonarli. Gollardan tashqari, Saloh himoyalanishda ham jamoadoshlariga yaxshi yordam bermoqda. Bu jamoa uchun ijobiy holat. Hozirda biz yaxshiroq o'ynay boshladik, futbolimiz darajasi oshib bormoqda", — deya niderlandiyalik murabbiyning so'zlarini keltirmoqda klub matbuot xizmati.

Joriy mavsumda Saloh mersisaydliklar safida 26 ta uchrashuvda ishtirok etdi. Misrlik futbolchi o'z hisobiga oltita gol va ettita golli uzatmani yozdirib qo'ygan.