Turkiya chempionati. "Fenerbahche" "gollar shou"sida safarda "Trabzonspor"ni engdi

"Fenerbahche" Turkiya chempionatining 22-turi doirasidagi safar o'yinida "Trabzonspor"ni 3:2 hisobida mag'lub etdi.

Mehmonlar safida Taliska (15-daqiqa), Kerem Aktyurkoglu (34-daqiqa) va Marko Asensio (48-daqiqa) bittadan gol urishdi. Shuningdek, Aktyurkoglu va Asensio bittadan golli uzatmani ham amalga oshirishdi.

Mezbonlardan Ernest Muchi (6-daqiqa) va Pol Onuachu (43-daqiqa) o'z nomini tabloga yozdirib qo'ydi.

"Fenerbahche" (52 ochko) Turkiya Superligasida ikkinchi o'rinda qolmoqda va peshqadam "Galatasaroy"dan uch ochko ortda qolmoqda.

"Trabzonspor" 45 ochko bilan turnir jadvalida uchinchi o'rinda bormoqda.