Rafinya va Reshfordning holati bo'yicha ma'lumot berildi

Rafinya Dias kelayotgan dushanba kuni maydonga tushishi mumkin.

"As" nashri xabariga ko'ra, vinger "Barselona"dagi jamoadoshlari bilan mashg'ulotlarda ishtirok etgan, biroq cheklangan formatda. Uning 16 fevral kuni "Jirona"ga qarshi o'yinda qatnashishi ertangi mashg'ulot qanday o'tishiga bog'liq bo'ladi.

Shu bilan birga, Markus Reshford derbini deyarli aniq o'tkazib yuboradi. Ingliz futbolchisining tizzasida muammo bor va agar vaziyat tubdan o'zgarmasa, u dushanba kuni o'ynay olmaydi.