Gexi "Siti" safidagi debyut golini kiritdi

Shanba kuni "Manchester Siti" Angliya Kubogi to'rtinchi raundi doirasida o'z maydonida to'rtinchi divizion vakili "Solford Siti"ni qabul qildi. Uchrashuvning 81-daqiqasida Xosep Gvardiola jamoasi ikkinchi golni urib, o'yin taqdirini hal qildi. Jarima zarbasi vaqtida hujumga qo'shilgan himoyachi Mark Gexi gol muallifiga aylandi. Gexi darvozabonning seyvidan so'ng qaytgan to'pni darvozaga joylab qo'ydi.

Bu 25 yoshli Gexining "Manchester Siti" libosidagi debyut goli bo'ldi. Himoyachi qishki transfer oynasida "Kristal Pelas"dan "shaharliklar" lageriga ko'chib o'tgan edi.

"Manchester Siti" navbatdagi o'yinini 21 fevral, shanba kuni Premer-liga doirasida o'z maydonida "Nyukasl"ga qarshi o'tkazadi.