"Milan" Pulishichning narxini e'lon qildi

"Tottenxem" klubi "Milan" yarim himoyachisi Kristian Pulishichning xizmatlariga qiziqish bildirmoqda. Bu haqda "GiveMeSport" nashri xabar bermoqda.

Qayd etilishicha, londonliklar futbolchini yozda sotib olishga harakat qilishadi. "Milan" Pulishichni 55 million evro evaziga sotish haqidagi takliflarni ko'rib chiqishga tayyor.

Kristian Pulishich "Milan" safida Seriya A doirasida jami 86 ta uchrashuv o'tkazdi. Ularda yarim himoyachi 31 ta gol urdi va 22 ta golli uzatmani amalga oshirdi.