«Barselona» Rafa Markesni tabrikladi: Meksikalik afsona 47 yoshga to'ldi

Juma kuni Rafa Markes o'z tug'ilgan kunini nishonladi. O'tmishning mashhur meksikalik futbolchisi 47 yoshni qarshi oldi. «Barselona» markaziy himoyachi pozitsiyasida to'p tepgan o'z sobiq o'yinchisini tabrikladi.

«Tug'ilgan kuning bilan, Rafa!» — deyiladi «ko'k-anorranglilar» xabarida.

Rafa Markes 2003-2010 yillar davomida «Barselona» sharafini himoya qilgan. O'sha davr ichida meksikalik futbolchi 242 ta o'yinda maydonga tushib, o'z hisobiga 13 ta gol va 13 ta golli uzatmani yozdirib qo'ygan. 2022-2024 yillarda Markes «ko'k-anorranglilar»ning yoshlar jamoasini boshqardi. Hozirda Rafa Meksika terma jamoasi murabbiylar shtabidan joy olgan.

«Barselona» navbatdagi o'yinini 16 fevral kuni «Jirona»ga qarshi o'tkazadi.