Kloppning kelishi "Real"dan ikki yulduzning ketishini anglatadi

Matbuotda Yurgen Kloppning Madridning "Real" klubi bosh murabbiyi lavozimiga tayinlanishi mumkinligi haqidagi xabarlar muhokama qilinmoqda.

Nemis mutaxassisi mavsum yakunida o'z lavozimini tark etishi kutilayotgan Alvaro Arbeloaning o'rnini egallashi mumkin bo'lgan nomzodlardan biri sifatida ko'rilmoqda. Jurnalist Ekrem Konurning xabar berishicha, agar "Liverpul"ning sobiq ustozi kelayotgan yozda "qaymoqranglilar" boshqaruvini qo'lga olsa, hujumchi Rodrigo va yarim himoyachi Eduardo Kamavingani sotib yuborishni talab qiladi.

Braziliyalik futbolchi klubdan ketmoqchi emas, biroq yangi murabbiyning rejalariga kirmasa, muhitni o'zgartirish imkoniyatini ko'rib chiqishi mumkin. 25 yoshli futbolchining "Transfermarkt" portalidagi qiymati 60 mln evroni tashkil etadi. Kamavinganing narxi esa 50 mln evroga baholangan.