APLning barcha grandlari bir futbolchi uchun navbatda: Eli Junior Krupi transfer bozorida talash bo'lmoqda

"Bornmut" hujumchisi Eli Junior Krupi transfer bozorida katta qiziqish uyg'otmoqda. Bu haqda "Teamtalk" jurnalistlari xabar berdi.

Manba bergan ma'lumotlarga ko'ra, 19 yoshli frantsuz futbolchisi uchun kechayotgan poygada quyidagi klublar ishtirok etmoqda: "Manchester Yunayted", "Manchester Siti", "Liverpul", "Chelsi", "Arsenal", "Nyukasl", "Tottenxem" va "Aston Villa".

Krupi "giloslar" bilan 2030 yilning iyun oyi oxirigacha mo'ljallangan shartnoma orqali bog'langan. Futbolchining bozor qiymati 22 million evroni tashkil etadi.

Angliya Premer-ligasining joriy mavsumida frantsuz futbolchisi 21 ta uchrashuvda maydonga tushdi va 8 ta gol urishga muvaffaq bo'ldi.