O'rtoqlik o'yini. «Dinamo» Rossiyaning uch karra chempioniga yirik hisobda mag'lub bo'ldi

«Dinamo» jamoasi BAAdagi ikkinchi yig'ini doirasidagi uchinchi o'rtoqlik bahsida Rossiyaning uch karra chempioni «Lokomotiv»ga yirik hisobda mag'lub bo'ldi. Birinchi bo'limda 4ta gol urilgan bo'lsa, 2-bo'limdagi o'zgarishlardan keyin hisob ochilmadi.

RPL etakchilaridan biriga qarshi o'yinda «Dinamo» murabbiylar shtabi bir qator o'yinchilar va turli taktikalarni sinovdan o'tkazishdi. Xususan, asosiy tarkibda yarimhimoyachi Xislat Xalilov chap qanot himoyasida sinab ko'rilgan bo'lsa, Anvarjon Hojimirzaev va yana bir qator o'yinchilar zaxirada qoldirildi.

Tajribali raqib o'yinni hujumkor boshlab, birinchi bo'limda yirik hisobni qayd etdi – 4:0.

Ikkinchi bo'limdagi o'zgarishlardan keyin samarqandliklar maydonda tengkurash ko'rsatgan bo'lsa-da, yirik hisob qisqarmadi.

O'rtoqlik o'yini.
14 fevral (chorshanba)
Abu-Dabi, The Ritz Carlton
«Lokomotiv» (Rossiya) - «Dinamo» – 4:0
Gollar: Sergey Pinaev 10, 14, Komlichenko 19, Timofeev 30
«Dinamo»: Edem Nemanov, Mauro Brazil, Jaloliddin Jumaboev, Jahongir O'rozov, Xislat Xalilov, Nurillo To'xtasinov, Rasul Yo'ldoshev, Behruzbek Obloqulov, Jahongir Abdusalomov, Azizbek Amonov, Ulug'bek Hoshimov.
Zaxiradan maydonga tushganlar: Sarvar Karimov, Mahamadu Dembele, Ulug'bek Abdullaev, Salim Mustafoev, Dramane Salou, Til Mavretich, Bektemir Abdumannonov, Akbar Xudoyberdiev, Abdulahad Hoshimov, Firdavs Abdurahmonov, Anvarjon Hojimirzaev.