"Yuventus"ga qarshi bahs chempionlik taqdirini hal qiladimi? "Inter" ustozi javob berdi

Milanning "Inter" klubi bosh murabbiyi Kristian Kivu "Yuventus" ustidan qozoniladigan g'alaba chempionlik poygasiga nuqta qo'yishi yoki qo'ymasligi haqidagi savolga javob berdi.

"Biz maydonga doim g'alaba qozonish istagi bilan tushamiz. Oldinda yana 14 ta o'yin bor, bitta natija chempionlik poygasi taqdiriga kuchli ta'sir ko'rsatmaydi, faqatgina psixologik nuqtai nazardan ahamiyatli bo'lishi mumkin. Mavsum hali uzoq", — deya Kivuning so'zlarini keltiradi klub matbuot xizmati.

Italiya A Seriyasining 25-turi boshlanishi oldidan "Inter" 58 ochko bilan turnir jadvalida peshqadamlik qilmoqda. "Yuventus" esa 46 ochko jamg'argan holda to'rtinchi o'rinda bormoqda.

"Inter" va "Yuventus" o'rtasidagi o'yin 14 fevral kuni bo'lib o'tadi. Qarama-qarshilik Toshkent vaqti bilan soat 00:45 da boshlanishi rejalashtirilgan.