Arbeloa "Real Sosedad"ga qarshi o'yinda jamoa etakchisiga dam berishga qaror qildi

Madridning "Real" klubi bosh murabbiyi Alvaro Arbeloa Chempionlar Ligasi oldidan yarim himoyachi Federiko Valverdeni saqlashni rejalashtirmoqda.

Bugun "qaymoqranglilar" La Liga bahsi doirasida o'z maydonlarida "Real Sosedad"ni qabul qilishadi. "Marca" nashri bergan ma'lumotlarga ko'ra, madridliklar ustozi Valverdega dam berish niyatida. Bundan ko'zlangan maqsad — futbolchining seshanba kuni Lissabonda "Benfika"ga qarshi bo'lib o'tadigan Chempionlar Ligasi o'tish bosqichining ilk o'yini oldidan kuch to'plashini ta'minlashdir.

Bugungi uchrashuvda maydon markazidagi uchlikni Eduardo Kamavinga, Orelen Tchuameni va Arda Gyuler tashkil etishi kutilmoqda. O'yin Toshkent vaqti bilan tungi soat 01:00 da boshlanadi.