Gvardiola Angliya Kubogidagi unutilmas atmosfera va muxlislar bosimi haqida gapirdi

"Manchester Siti" bosh murabbiyi Xosep Gvardiola Angliya Kubogi doirasidagi safar o'yinlari haqidagi xotiralari bilan o'rtoqlashdi.

Ispaniyalik mutaxassisning so'zlariga ko'ra, bu lahzalar uning yodida abadiy qoladi. Gvardiola Angliyada o'n yildan beri faoliyat yuritmoqda.

"Stadionga kelganingda, barcha muxlislar seni o'rab olib: "Siz kimsiz?! Siz kimsiz?!" deb baqirishadi", — deya Gvardiolaning so'zlaridan iqtibos keltiradi Fabritsio Romano.

Ispaniyalik murabbiy qo'l ostidagi "shaharliklar" 26 turdan so'ng 53 ochko bilan APL turnir jadvalida ikkinchi o'rinni egallab turibdi.

Mamlakat Kubogida "Siti"ni "Solford Siti"ga qarshi o'z maydonidagi bahs kutmoqda. O'yin 14 fevral kuni Toshkent vaqti bilan soat 20:00 da boshlanadi.