Samarqandning «Sherdor» va «Azur», Qo'qonning «Xavokand» klublari Birinchi ligada ishtirok etadi

Birinchi ligada ishtirok etish istagida bo'lgan klublar joriy yilning 31-yanvar sanasiga qadar Ligaga murojaat qilishi belgilangandi. Shundan kelib chiqib, bir qator nomzodlar ariza bilan murojaat qildi.

Liga murojaatlarni o'rganib chiqqan holda, Reglament bo'yicha minimal talablarga javob bermaydi deb topilgan klublarni Birinchi liga qatnashchilari safiga qo'shishni rad qildi. Bunda hududiy futbol assosatsiyalari bilan hamkorlikda ish olib borildi.

O'z navbatida, musobaqada ishtirok etish uchun salohiyatli bo'lgan klublar va ularning rejalari o'rganib chiqildi. Shu asosda Samarqand shahrining «Sherdor» va «Azur», Qo'qon shahrining «Xavokand» klublariga ketma-ketlikda bajarilishi lozim bo'lgan ishlar ro'yxati taqdim etildi. Fevral oyining dastlabki 10 kunligida mazkur jamoalar Reglament bo'yicha dastlabki talablarni bajarish ustida ish olib bordi.

O'rganishlar xulosasi asosida yuqorida nomlari qayd etilgan klublarni Liga qatnashchilari safiga qabul qilish maqsadga muvofiq deb topildi. Ular 2026 yilgi mavsumdan e'tiboran Birinchi ligada to'p suradi.

Ayni vaqtda Birinchi liga qatnashchilari tarkibini to'liq shakllantirish borasida o'rganish ishlari davom etmoqda.